سجلت في آخر لحظة، واكتشفت بعد يومين إن "رحلة جسد" هي كل شيء عني. مشاعر مستفزة، عضلات تتحرك، وروح تخاف وتتحدى بنفس الوقت. بيئة تدعمك بحب، ومساحة "حرة" لاختبار نفسك. رجعت بنسخة ألطف، و لاول مرة: الرحلة مستمرة إلى الآن بلا توقف.

من أروع الرحلات في حياتي ، رحلة مختلفة ولها متعة عظيمة رحلة الخروج عن المألوف واكتشاف روحك وقوة جسدك، ف هالرحله تعرفت على نسخه جديده من بتول تعرفت على نقاط قوتي واني اقدر اسوي اكثر من مما كنت متخيله ، من كل قلبي اشكرج ي سالي على هذه الرحلة 🌊🫧🌬️🫶🏽.

للامانه انا كنت متخوفه شوي من الرحله اول ما سجلت معاك لاني ما اخذت معاك ولا جلسه ولا اي كورس ، اول تجربه لي معاك كانت الرحله وما ندمت ابدا على المجازفه هذي الحمدلله ♥️ والشي الثاني كنت شايله هم لاني محجبه ما اعرف كيف بيكون الوضع في الرحلات او حتى بيننا وبين بعض اني اكون محجبه وغيري لا ، بس الحمدلله ما حسيت بأي عائق او فرق بيني وبين الباقين. الترتيب من والى المطار والفندق كان مريح و واضح ، النشاطات والتمارين كان فيها مرونه وتبديل حسب طاقتنا والشي هذا بالنسبه لي كان ممتاز لانه بعض المرات تكون الطاقه نازله ولا نقدر نبذل مجهود ، بالرغم انها رحله تشافي بس كانت ممتعه جدا والقروب كان رائع وحسيت بالانسجام بيننا على اني شخص مو سهل يدخل او ينسجم مع ناس ما يعرفهم وصراحه الفضل بعد الله يرجع لك في اشياء كثيره شخصيتك ساعدتني افك كثير واكون مرنه مع نفسي ومع اللي حولي. هذي اول تجربه لي معاك بس متأكده ما حتكون الاخيره